Song Title : Heena Podi (හීන පොදි)
Artist : Uthsari Ekanayaka | Tharindu Damsara
Lyrics : Dilhan Fonseka
Melody & Music : Tharindu Damsara
Music composition, mixing & mastering : Sanjula Himala
Guitar arrangements : Kavin Harshana
Motion video : Chameera J Hettiarachchi
හීන පොදි බඩ බැඳන් රෝස උයනට වැදී
රෝස කැකුළක් නෙළන් මවක ආයෙම වඩී
මායිමෙහි ඈ පෙනෙන නොපෙනෙනා ලෙස හිඳී
පියෙකු විඳි විලිරුදා අකුරු මත නැත රැඳී
අරුණැල්ලේ ආ හිරුත් සවස මුහුදට බසී
සියොතුන්ද වෙහෙස අග කැදැල්ලක සුව විඳී
රැයෙත් පිඹ දහදියට තනනු වස් දෑවැදී
තාත්තෙක් වැඩපළක නිදි නැතුව වැඩ ඇතී
මඟුල් දා පෝරුවට යන දුවක අත රැඳී
කටුව වී නටුව මත මල රැකපු අත ඇතී
හදවතම කඩා වෙන අතක දවටන හැටී
පියෙකුගේ ඇස් අගට කඳුළෙ පින හිමි නැතී
නිමක් නැති අහස් කුස හුදකලා තරු ඇතී
දැවී ගිය මුත් පොරණ අද ද එළි විහිදතී
වැඩ නිසා අතපසුව ගිය ද මතකෙන් මිදී
කොහේ හෝ බිම්කඩක තාත්තා නිදි ඇතී
👇👇👇 අපගේ android app එක(Click Image) 👇👇👇
0 comments:
Post a Comment