මඤ්ඤොක්කා බොන්ඩා හදමු (Cassava Bonda)

ඔයාලා හැමෝම වගේ අල බොන්ඩා කාලා තියෙනවා නේද 😍 ඒත් මං අද ඔයාලට ගෙනාවෙ අල බොන්ඩා නම් නෙමෙයි . මඤ්ඤොක්කා බොන්ඩා, හදන හැටි බලමු නේද 😍😍(මේ ප්‍රමාණයෙන් බොන්ඩා 10,12 ක් සෑදිය හැක)

✅ අවශ්‍ය ද්‍රව්‍ය :

🔹 තම්බා පොඩිකර ගත් මඤ්ඤොක්කා කෝප්ප 3ක්
🔹 ලියාගත් බී ලූනු ටිකක්
🔹 ලියාගත් අමු මිරිස් කරල් 3ක්
🔹 ග්‍රේට් කරගත් තරමක කැරට් අලයක්
🔹 සැමන්/ තම්බාගත් මාලු හෝ ඉස්සන් ටිකක් (මේ වර්ග වලින් එකක් කැමති නම් පමනක් එකතු කර ගන්න)
🔹 කෑලි මිරිස් තේ හැඳි 2ක්
🔹 තුනපහ කුඩු තේ හැඳි 1ක්
🔹 ගම්මිරිස් කුඩු තේ හැඳි 1/4 ක් පමණ
🔹 අබ ඇට ටිකක්
🔹 අවශ්‍ය පමණ ලුනු
🔹 කහ කුඩු ස්වල්පයක්
🔹 ලියාගත් කරපිංචා ටිකක්
🔹 තෙල්

දවටනය සඳහා

🔹 පාන්පිටි කෝප්ප 1/2
🔹 කඩල පිටි/ මුං පිටි කෝප්ප 1/2 (🔴 කඩල පිටි/ මුං පිටි නැත්නම් පාන් පිටි වලින් බැද ගන්නත් පුලුවන්.)
🔹 වතුර කෝප්ප 1ක්
🔹 අවශ්‍ය පමණ ලුනු

✅ සාදා ගන්නා ආකාරය :

💠 භාජනයක් ලිප තබා තෙල් ටිකක් රත් කර ගන්න.
💠 එයට අබ ඇට දමා පුපුරුවා ගන්න.
💠 දැන් එයට කරපිංචා , බී ලූනු, අමු මිරිස් , කැරට්, මාලු හෝ ඉස්සන් එකතු කරන්න.
💠 ඊලඟට කෑලි මිරිස් ,තුනපහ ,ගම්මිරිස් ,කහ, ලුනු අවශ්‍ය පමණ එකතු කර හොඳින් මිශ්‍ර කරන්න.
💠 දැන් තම්බා පොඩිකර ගත් මඤ්ඤොක්කා එකතු කර හොඳින් කලවම් කර ගන්න.
💠 දැන් ලිපෙන් ඉවතට ගෙන බෝල සාදා ගන්න.
💠 පාන් පිටි, කඩල පිටි හෝ මුං පිටි සමග මිශ්‍ර කරන්න.
💠 ලුනු එකතු කරන්න.
💠 වතුර එක් කරමින් තරමක උකු මිශ්‍රණයක් සකසා ගන්න.
💠 සාදා ගත් බෝල මෙම මිශ්‍රණයේ දවටා ගැඹුරු තෙලේ බැද ගන්න.

සැකසුම : © නදීෂා ගමගේ ..හෙළයේ රස මිහිර