✅ අවශ්‍ය ද්‍රව්‍ය :
- 🌀 බිම්මල් 150g ක් පමණ
- 🌀 බිත්තර 2 ක්
- 🌀 බී ලූනු ගෙඩියක්
- 🌀 ලියාගත් අමු මිරිස් කරල් දෙකක් පමණ
- 🌀 සිහින්ව කපා ගත් සුදුලූනු බික් දෙකක් පමණ
- 🌀 කොත්තමල්ලි කොල ටිකක් (අනිවාර්ය නැහැ)
- 🌀 ගම්මිරිස් කුඩු ටිකක්
- 🌀 කෑලි මිරිස් ටිකක්
- 🌀 කහ කුඩු ස්වල්පයක්
- 🌀 රස අනුව ලුනු
- 🌀 තෙල් හෝ බටර් ටිකක්
✅ සාදා ගන්නා ආකාරය :
- 💥 මුලින්ම බිම්මල් සෝදා වතුර ඉවත් කර ගන්න.
- 💥 ඊලඟට බිම්මල් කුඩා කෑලි වලට කපා ගන්න.
- 💥 බී ලූනු ගෙඩියද සිහින්ව කපා ගන්න.
- 💥 දැන් බඳුනක් ලිප තබා බටර් හෝ තෙල් මේස හැන්දක් පමණ දමා රත් කරන්න.
- 💥 රත් කරගත් තෙලට ලියාගත් සුදුලූනු එකතු කරන්න.
- 💥 පසුව බී ලූනු, අමු මිරිස් එකතු කරන්න.
- 💥 ටිකක් තෙම්පරාදු වනවිට බිම්මල් එකතු කරන්න.
- 💥 කෑලි මිරිස්, කහ කුඩු, ගම්මිරිස් කුඩු සහ ලුනු කුඩු එකතු කර හොඳින් මිශ්‍ර කරන්න.
- 💥 කැමති නම් අමු තුනපහ තේ හැඳි 1/2 ක් පමණ එකතු කරන්න.
- 💥 බිම්මල් හොඳින් තැම්බී වතුර සිඳුන විට ලිපෙන් ඉවතට ගන්න.
- 💥 දැන් බිත්තර දෙකක් ගසා ගන්න.
- 💥 ගසාගත් බිත්තර වලට ලුනු කුඩු සහ ගම්මිරිස් කුඩු ටිකක් එකතු කර හොඳින් මිශ්‍ර කර ගන්න.
- 💥 දැන් තැටියක් ලිප තබා තෙල් ටිකක් දමා එය රත් වන විට ගසා ගත් බිත්තර එකතු කර රවුමට කරකවා හැඩය හදා ගන්න.
- 💥 බිත්තරය ටිකක් බැදුන පසු සකසා ගත් බිම්මල් මිශ්‍රණය බිත්තරය මැදට දමන්න . අවශ්‍ය නම් චීස් ටිකක් ,කොත්තමල්ලි කොල ටිකක් ඒ මත දමන්න.
- 💥 දැන් බිත්තරය දෙපැත්ත නවාගන්න.
ඔන්න එහෙනම් ඔම්ලට් එක ලෑස්තියි , රස බලන්න පුලුවන් 😍 ඔයාලත් හදලා රස කියන්නකෝ 👩❤️👩සැකසුම : © නදීෂා ගමගේ ..
හෙළයේ රස මිහිර
අපගේ page එකටත් like කරන්න
👇👇👇 අපගේ android app එක(Click Image) 👇👇👇
0 comments:
Post a Comment