✅ අවශ්‍ය ද්‍රව්‍ය :
- 🍁 බත් කෝප්ප 1 ක් ( කැමති බත් වර්ගයක් ගන්න .මං ගත්තෙ සම්බා බත්)
- 🍁 අර්තාපල් අල ගෙඩියක්
- 🍁 බී ලූනු ටිකක්
- 🍁 අමු මිරිස් කරල් 1ක්
- 🍁 තලා ගත් ඉඟුරු ,සුදුලුනු ටිකක්
- 🍁 තම්බා පොඩිකර ගත් මාලු හෝ සැමන් ටිකක් (අත්‍යවශ්‍ය නැහැ)
- 🍁 තුනපහ කුඩු තේ හැඳි 1/2 ක් පමණ
- 🍁 කෑලි මිරිස් තේ හැඳි 1 ක්
- 🍁 ගම්මිරිස් කුඩු ටිකක්
- 🍁 කහ කුඩු ටිකක්
- 🍁 රස අනුව ලුනු
- 🍁 පාන් කුඩු ටිකක්
- 🍁 බැදීමට තෙල්
✅ සාදා ගන්නා ආකාරය :
- ♨️ අල ටික තම්බා පොඩිකර ගන්න.
- ♨️ බී ලූනු සහ අමු මිරිස් සිහින්ව ලියා ගන්න.
- ♨️ බත් ටික භාජනයකට දමා ,එයට පොඩිකර ගත් අල,සැමන් හෝ මාලු , ලියාගත් ලූනු, අමු මිරිස් සහ තලාගත් ඉඟුරු ,සුදුලුනු එකතු කරන්න.
- ♨️ එයටම තුනපහ කුඩු ,කෑලි මිරිස් ,ගම්මිරිස් කුඩු, කහ කුඩු සහ රස අනුව ලුනු එකතු කර ගන්න.
- ♨️ හොඳින් මිශ්‍ර කර ගන්න.
- ♨️ දැන් හොඳින් අනමින් ගුලි කර ගන්න.
- ♨️ මේ මිශ්‍රණය සමාන ප්‍රමාණ වලට වෙන් කර බෝල සාදා ගන්න.
- ♨️ අතේ තෙල් ටිකක් තවරා සාදා ගත් බෝල අල්ල මත තබා පැතලි කර ගන්න.
- ♨️ පැතලි කර සාදා ගත් කට්ලට් වල පාන්කුඩු දවටා ගන්න. පාන කුඩු දවටන්න බැටර් මුකුත් අවශ්‍ය නැහැ මේ කට්ලට් එක වටේ නිකන් දවටා ගන්න පුලුවන්.
- ♨️ දැන් පෑන් එකක් ලිප තබා තෙල් ටිකක් දමා රත් කරන්න.
- ♨️ රත් කරගත් තෙල් මත මෙම කට්ලට් දමා දෙපැත්ත හරවමින් රන්වන් පැහැ වනතුරු බැද ගන්න . ගැඹුරු තෙලේ බදින්න අවශ්‍ය නැහැ , තෙල් ටිකක් දා ගෙන බදින්න පුලුවන්.
ඔන්න එහෙනම් ඔයාලත් හදලා රස කියන්නකෝ ❤️❤️❤️❤️❤️සැකසුම : © නදීෂා ගමගේ ..
හෙළයේ රස මිහිර
අපගේ page එකටත් like කරන්න
👇👇👇 අපගේ android app එක(Click Image) 👇👇👇
0 comments:
Post a Comment