Song Title : Noena Kenek (නොඑන කෙනෙක්)
ගායනය : නිරංජලා සරෝජිනී
පද රචනය : කුමාරදාස සපුතන්ත්‍රී
තනුව : ආචාර්ය රෝහණ වීරසිංහ
නොඑන කෙනෙක් එයි මා අත ගන්නට
ඈතින් දෙවට දිගේ
කළු උණ පඳුරේ රෑ හෙවණැල්ලෙන්
ඒ රුව මෙපිට නොඒ
මා වවුලන් වට ඉහ ඉද්දර හිඳ
මළගම් යන මේ හැන්දෑවේ
මා තනියෙන් මගෙ තනිය මකන්නට
පාළුව ළඟට ඇදේ
නොඑන කෙනෙක් එයි මා අත ගන්නට
ඈතින් දෙවට දිගේ
කළු උණ පදුරේ රෑ හෙවණැල්ලෙන්
ඒ රුව මෙපිට නොඒ
රෑ සිහිනෙන් නෙත ඇඳුනු රුවක් දැක
සිත වැලපෙනවා තුන් යාමේ
යොවුන් සඳේ රුව දියවී අඳුරේ
රෑ තරු හඬනු ඇහේ
නොඑන කෙනෙක් එයි මා අත ගන්නට
ඈතින් දෙවට දිගේ
කළු උණ පදුරේ රෑ හෙවණැල්ලෙන්
ඒ රුව මෙපිට නොඒ
👇👇👇 අපගේ android app එක(Click Image) 👇👇👇
0 comments:
Post a Comment