පොලොස් අච්චාරු හදමු (Polos Achcharu Hadamu)

කොස්,පොලොස් බහුලව තියන මේ කාලෙ ඔන්න ඔයාලට පුළුවන් අවුරුද්දට පොලොස් අච්චාරුවක් හදා ගන්න. පොලොස් අච්චාරු හදන ක්‍රම කිහිපයක් තියෙනවා , රතුළූනු ,අමු මිරිස් එකතු කරලා වගේම නැතුවත් හදා ගන්න පුළුවන් . මම හැදුවෙ රතුලූනු ,අමු මිරිස් නැතුව. ඔයාලත් හදලා බලන්නකෝ 😍

✅ අවශ්‍ය ද්‍රව්‍ය :

🌳 ළපටි පොලොස් ගෙඩියක්
🌳 සුදුළූනු බික් 6 ක් පමණ
🌳 අමු ඉඟුරු කැබැල්ලක්
🌳 මිරිස් කුඩු මේස හැඳි 1 1/2 ක්
🌳 ගම්මිරිස් කුඩු තේ හැඳි 1 ක් පමණ
🌳 අබ මේස හැඳි 1 ක්
🌳 සීනි මේස හැඳි 1 ක්
🌳 රස අනුව ලුනු
🌳 කහකුඩු ස්වල්පයක්

🌷පොලොස් ගෙඩියේ ප්‍රමාණය අනුව ඉහත ද්‍රව්‍ය වෙනස් කර ගන්න.

✅ සාදා ගන්නා ආකාරය :

🌼 පොලොස් ගෙඩියේ පොතු ඉවත් කර කුඩා කැබලි වලට කපා ගන්න.
🌼 එයට කහ ලුනු ස්වල්පයක් අතගා වතුර යොදා තම්බා ගන්න.
🌼 අබ ටික විනාකිරෙන් අඹරා ගන්න.
🌼 ඉඟුරු ,සුදුළූනු සිහින්ව තලා ගන්න.
🌼 භාජනයක් ලිප තබා විනාකිරි , අඹරාගත් අබ, මිරිස් කුඩු ,ගම්මිරිස් කුඩු , තලාගත් ඉඟුරු ,සුදුළූනු සහ සීනි එකතු කර රත් කරන්න.
🌼 අවශ්‍ය පමණ ලුනු ද එකතු කරන්න.
🌼 රත් වූ පසු පොලොස් දමා මිශ්‍ර කර ගන්න.

හරිම ලේසියි නේද 😍 ඔන්න එහෙනම් ඔයාලත් හදලා රස කියන්නකෝ 😋

හෙළයේ රස මිහිර