Song Title : Lassana Nam Na Penenne (ලස්සණ නම් නෑ පෙනෙන්නේ)
ගායනය : මහාචාර්ය සනත් නන්දසිරි
පද රචනය : කරුණාරත්න අබේසේකර
තනුව : සරත් දසනායක
1978 දී තිරගතවූ "විස්මය" චිත්‍රපටියෙනි.
ලස්සණ නම් නෑ පෙනෙන්නේ
ඉස්සර සුවඳයි දැනෙන්නේ //
එදා සොඳුරු පිය දසුන්
මෙදා සිහිනයකි කසුන්
මතක් වුනත් අමිල සැපතකී
ලස්සන නම් නෑ පෙනෙන්නේ
උකුල් තලා සළා ආ නාරිලතාවෝ
අමල් සිනා නැගූ රන් චාරුලතාවෝ //
වැයූ වගේ හවුල් වී
ගැයූ රඟේ කොවුල් ගී
ගියේ ඔවුන් ළඳුන් කොහේදෝ
සවන් පුරා පිරීලා වස්දඬු රාවේ
සුසුම් හෙලයි සිතාරේ නෙත් යුග නෑවේ //
සිතූ සිතුම් බිඳීලා
පැතූ පැතුම් සිඳීලා
ජීවිතේ ගමන් විලාසේ
ලස්සණ නම් නෑ පෙනෙන්නේ
ඉස්සර සුවඳයි දැනෙන්නේ //
එදා සොඳුරු පිය දසුන්
මෙදා සිහිනයකි කසුන්
මතක් වුනත් අමිල සැපතකී
ලස්සන නම් නෑ පෙනෙන්නේ
👇👇👇 අපගේ android app එක(Click Image) 👇👇👇
0 comments:
Post a Comment