කිරි අළුවා හදමු (Kiri Aluwa)

ඔයාලට ඉක්මනින් හා පහසුවෙන් හදා ගන්න පුළුවන් රසවත් තවත් රස කැවිලි වර්ගයක් ඔන්න මං අරන් ආවා.කඩේ හාල් පිටි වලින් උනත් ඔයාලට මේක හදා ගන්න පුළුවන් .

✅ අවශ්‍ය ද්‍රව්‍ය :

☕ සුදු හාල් පිටි 550g
☕ සීනි 500g ක්
☕ පොල්කිරි අඬු කෝප්ප 1 ක්
☕ ලුණු තේ හැඳි 1/2
☕ කරඳමුංගු කුඩු ටිකක්
☕ වැනිලා තේ හැඳි 1/2 ක්
☕ කැමති නම් සිහින්ව කපා ගත් කජු ටිකක්

✅ සාදා ගන්නා ආකාරය :

♨️ පිටි හොඳින් කබලේ බැද හලා ගන්න.
♨️ බඳුනක් ලිප තබා එයට සීනි, ලුණු සහ පොල්කිරි දමා උණුකරන්න.
♨️ මේ පැණි මිශ්‍රණය අතේ ඇලෙන පදමට ආවිට ලිපෙන් ඉවත් කර ටිකක් නිවෙන්න තියන්න.
♨️ වැනිලා ටිකද පැණි මිශ්‍රණය ට එකතු කරන්න.
♨️ ඉන්පසු පැණි වලින් කොටසක් සහ පිටි වලින් 50 g ක් ඉවත් කර පසෙකින් තබන්න.
♨️ දැන් පිටි වලට කජු සහ කරඳමුංගු කුඩු එකතු කර පැණි මිශ්‍රණය ට ටික ටික එකතු කරමින් හොඳින් මිශ්‍ර කර ගන්න.
♨️ පැණි මදි නම් ඉවත් කර ගත් පැණි එකෙන් එකතු කර කලවම් කර ගන්න . තෙත ගතිය වැඩි නම් අඩු ගින්දරේ ලිප තබා හැඳි ගාමින් තෙත ගතිය ඉවත් කර ගන්න.නැත්නම් තව පිටි ටිකක් එකතු කර ගන්න.
♨️ දැන් ඉවත් කරගත් පිටි වලින් ස්වල්පයක් ලෑල්ලක ට ඉස අලුවා මිශ්‍රණය ඒ මත දමා ඉතිරි පිටි වලින් ටිකක් උඩින් ඉස අඟල් 3/4 ක් පමණ උසට සිටින සේ තුනී කර ගන්න.
♨️ දැන් ඔබ කැමති හැඩයකට කැබලි කපා ගන්න.

හෙළයේ රස මිහිර