ඉඟුරු දෝසි හදමු (Iguru Dosi)

රටේ පවතින වසංගත තත්වයත් එක්ක ඉඟුරු කියන්නේ දැන් නම් අපට දිව්‍ය ඖෂධයක් . කොහොමටත් ඉඟුරු වල ගුණ බොහෝමයක් තියෙනවා . ඉතිං මේ වෙලාවෙ ඉඟුරු දෝසි කෑල්ලක් එක්ක කහට කෝප්පයක් බොන්න තිබුනා නම් ඔයාලත් ගොඩාක් සතුටු වෙයි නේද 😍 එහෙනම් ඉතිං හදලා බලමු.

✅ අවශ්‍ය ද්‍රව්‍ය :

☕ අමු ඉඟුරු 60g ක්
☕ සීනි 300g ක්
☕ බටර් තේ හැඳි 2 ක්
☕ වතුර කෝප්ප 1/2 ක්
☕ පාන්පිටි මේස හැඳි 1 ක් ( කැමති නම් පමණක් එකතු කරන්න . නැතුවත් හදන්න පුළුවන් )

✅ සාදා ගන්නා ආකාරය :

🎈 මුලින්ම ඉඟුරු හොඳින් සුද්ද කර කුඩා කැබලි වලට කපා වතුර ස්වල්පයක් එක්කර අඹරා ගන්න .
🎈 දැන් භාජනයක් ගෙන අඹරා ගත් ඉඟුරු , සීනි සහ වතුර එකතු කර ලිප තබා මද ගින්නේ හැඳිගාන්න.
🎈 මිශ්‍රණය ටිකෙන් ටික ඝන වන විට බටර් සහ පාන්පිටි මේස හැන්දක් එකතු කර හොඳින් මිශ්‍ර කරමින් අඩිය අල්ලන්න නොදී දිගටම හැඳි ගාන්න.
🎈 මිශ්‍රණය බුබුළු දමමින් ඝන වී එකට එකතු වූ විට ( භාජනය වටේ සීනි වියලෙන පදමේදී ) ලිපෙන් ඉවතට ගෙන බටර් තවරා ගත් තැටියක දමා කෑලි කපා ගන්න.

මේක ඉතාමත් පහසුවෙන් ඕනම කෙනෙකුට හදා ගන්න පුළුවන් .ඉතිං ඔයාලත් හදලා රස කියන්නකෝ 😍

හෙළයේ රස මිහිර