1982 දී ජාත්‍යන්තර නාට්‍ය ආයතනය ආරම්භ කළ දා පටන් අද දක්වා එහි නර්තන කමිටුව සැම වසරක ම අප්‍රේල් 29 වන දිනය ජාත්‍යන්තර නර්තන දිනය ලෙස ප්‍රකාශයට පත් කර සමරනු ලැබේ.
ජාත්‍යන්තර නර්තන දිනය ලෙස අප්‍රේල් 29 යොදා ගැනීමට හේතුව වී ඇත්තේ නූතන මුද්‍රා නාට්‍යයේ නිර්මාතෘ සේ සැලකෙන ජීන් ජෝර්ජ් නෝර්වේ ශිල්පියාගේ උපන් දිනය මෙදිනට යෙදී ඇති බැවිනි.
නර්තනයෙහි වටිනාකමත්, ආර්ථික වර්ධනය සඳහා එහි විභවයන් තවමත් අවබෝධ වී නොමැති ජනතාවට පෞද්ගලිකවත්, රජයන්, දේශපාලකයන් සහ ආයතන සඳහා අවදි කිරීමේ සිහි කැඳවීමක් ලෙස ක්‍රියාත්මක වීම අරමුණු වන බව ජාත්‍යන්තර නාට්‍ය ආයතනය [International Theatre Institute] පවසා සිටිනවා.
සැම වසරක ම කැපී පෙනෙන නර්තන ශිල්පියෙකුගේ හෝ නර්තන රචකයෙකුගේ පණිවිඩයක් ලොව පුරා සංසරණය වීමට සැලැස්වීම තුළින් මෙම කලාවේ විශ්වීයත්වය තුළ නර්තනීය ප්‍රමෝදය සැමරීම, සියලු දේශපාලන, සංස්කෘතික හා ජනවාර්ගික බාධක පසු කළා වූ පොදු භාෂාවක් ලෙස "නර්තනය" සමඟ ජනතාව එක් කිරීමටත් ජාත්‍යන්තර නාට්‍ය ආයතනය [International Theatre Institute] කටයුතු කරනවා.
සටහන : ෂලිත එරන්ද පීරිස් ✍️
👇👇👇 අපගේ android app එක(Click Image) 👇👇👇
0 comments:
Post a Comment