කොස් ඇට ටොෆි හදමු (Kos Ata Toffee)

ඔන්න ඉතිං ලංකාවේ ඉන්න අපේ යාලුවන්ට නම් මේ දවස්වල කොස් වලින් අඩුවක් නැතුව ඇති.මේ කොස් වාරෙදි කොස් වලින් හදා ගන්න පුළුවන් රසවත් ආහාර වට්ටෝරු කිහිපයක් මං ඔයාලට අරන් එන්න හිතුවා. ඉතිං පිට රටවල ඉන්න අපේ යාලුවො තරහා වෙන්න එපා , ලංකාවේ යාලුවො ඔයාලටත් හදලා එවාවි 😍

✅ අවශ්‍ය ද්‍රව්‍ය :

🍂 තම්බා පොඩිකර ගත් කොස් ඇට කෝප්ප 1 ක්
🍂 සීනි අඬු කෝප්ප 1 1/2 ක්
🍂 කිරිපිටි මේස හැඳි 2 ක්
🍂 බටර් තේ හැඳි 1 ක්
🍂 වැනිලා ස්වල්පයක්
🍂 එනසාල් කුඩු ස්වල්පයක්
🍂 ලුණු පිංචක්

✅ සාදා ගන්නා ආකාරය :

🌼 මුලින්ම තැටියක බටර් හෝ තෙල් ආලේප කර පසෙකින් තබන්න.
🌼 භාජනයක් ගෙන පොඩි කරගත් කොස් ඇට, සීනි, ලුණු, කිරිපිටි සහ වතුර මේස හැඳි 2 ක් පමණ දමා හොඳින් මිශ්‍ර කර ගන්න.
🌼 මද ගින්නේ ලිප තබා මිශ්‍රණය තෙත ගතිය සිඳෙන තෙක් හැඳි ගාන්න.
🌼 මිශ්‍රණය ඝන වනවිට වැනිලා සහ එනසල් කුඩු එකතු කර හොඳින් හැඳි ගාන්න.
🌼 භාජනය වටේ සීනි වියලෙන පදමේදී බටර් එක් කර හොඳින් හැඳි ගා ලිපෙන් ඉවතට ගෙන බටර් තවරා ගත් තැටියට දමා අඟල් 1/4 ක් පමණ උසට සිටින සේ තුනීකර කෑලි කපා ගන්න.

ඉතිං ඔයාලත් හදලා බලන්න, ඇත්තටම හරිම රසයි 😍 හදලා බලලා රස කියන්නකෝ.

හෙළයේ රස මිහිර