Song Title : Rathnadipa Janmabumi (රත්නදීප ජන්මභූමි)
ගායනය : පණඩිත් ඩබ්.ඩී. අමරදේව
පද රචනය : මහගම සේකර
තනුව : පණඩිත් ඩබ්.ඩී. අමරදේව
රත්නදීප ජන්මභූමි
ලංකාදීප විජයභූමි
මේ අපේ උදාර වූ මාතෘභූමියයි
මාතෘභූමියයි //
ආදි සිංහලේ වීර මීමුතුන් ලෙයින්
සාරවූ උදාරවූ මාතෘභූමියයි
මාතෘභූමියයි
මාණික්‍ය සේ පොලෝ ගැබේ නිධානවී//
ඇත්තෙ ඒ අභීත දූපුතුන්
ජාතියේ නාමයෙන් සංග්‍රාම භූමියේ//
ජීවිතේ පුදා හෙළූ ලේ කඳයි
රත්නදීප ජන්මභූමි ලංකදීප විජයභූමි
මේ අපේ උදාර වූ මාතෘභූමියයි
මාතෘභූමියයි
සින්දූපමාන වැව්තලා මතින් ඇදී//
පද්ම රේණුයෙන් සුගන්ධවී
රන් කරල් නමා හමා සිත් ප්‍රබෝධයෙන් පුරා//
එන්නෙ උන් හෙළූ ප්‍රාණ වායුවයි
රත්නදීප ජන්මභූමි ලංකදීප විජයභූමි
මේ අපේ උදාර වූ මාතෘභූමියයි
මාතෘභූමියයි
ගංගා තරංග රාව දී රිදී වණින්//
මල් පිපී කුලින් කුළේ හැපී
ගායනා කරන්නේ ආකාශයේ නැඟී//
වීරයින්ගෙ ඒ යශෝ ගීතයයි
රත්නදීප ජන්මභූමි ලංකදීප විජයභූමි
මේ අපේ උදාර වූ මාතෘභූමියයි
මාතෘභූමියයි
ආදි සිංහලේ වීර මීමුතුන් ලෙයින්
සාරවූ උදාරවූ මාතෘභූමියයි
අපේ උදාර වූ මාතෘභූමියයි
මාතෘභූමියයි
👇👇👇 අපගේ android app එක(Click Image) 👇👇👇
0 comments:
Post a Comment