Song Title : Wilada Koyida (විළඳ කොයිද)
ගායනය : එඩ්වඩ් ජයකොඩි
පද : රත්න ශ්‍රී විජේසිංහ
තනුව : රෝහණ වීරසිංහ
විළඳ කොයිද කාසි නැතිව
නාඬන් සැළලිහිණී
මල් නොපිපී මල් පැණි නෑ
ගිම්හානය පමණී
ඉතින් කුමට හඬනවාද
නාඬන් සැළලිහිණී //
කුරහන් මල් හිනා නොවී
කිරි දත් ටික හැලුණී
වැව හිඳිලා සාගතයට
ගොයම් යාය මැරුණී
දුප්පත්කම හංගන්නද
නාඬන් සැළලිහිණී
විළඳ කොයිද කාසි නැතිව
නාඬන් සැළලිහිණී
මල් නොපිපී මල් පැණි නෑ
ගිම්හානය පමණී
ඉතින් කුමට හඬනවාද
නාඬන් සැළලිහිණී
අඳුන් තෙලින් සරසන්නට
නැත අතමිට ගිහිණී
ගම් බිම් නැති අප අසරණ
නොවේද සැළලිහිණී
ඉගිල්ලිලා යන්න ඉතින්
කූඩුවෙ දොර අරිමී
විළඳ කොයිද කාසි නැතිව
නාඬන් සැළලිහිණී
මල් නොපිපී මල් පැණි නෑ
ගිම්හානය පමණී
ඉතින් කුමට හඬනවාද
නාඬන් සැළලිහිණී
👇👇👇 අපගේ android app එක(Click Image) 👇👇👇
0 comments:
Post a Comment