✅ අවශ්‍ය ද්‍රව්‍ය :
- තුඹ කරවිල ග්‍රෑම් 250
- ගොරකා කෑලි 2 ක්
- ලුණු
- සුදු ළූණු
- රතු ළූණු
- අමු මිරිස්
- කහ කුඩු
- බැදපු තුනපහ කුඩු
- රම්පෙ කරපිංචා
- මිරිස් කුඩු මේස හැඳි 1
- සියඹලා යුෂ මේස හැඳි 1
- තෙල් ස්වල්පයක්
✅ සාදා ගන්නා ආකාරය :
- ♦️ මුලින්ම තුඹ කරවිල ටික හතරට පළලා ලුණු පොඩ්ඩක් සහ ගොරකා කෑලි 2ක් දාලා හොඳට තම්බා ගන්න.
- ♦️ ඊට පස්සෙ මැද තියෙන ඇට ටික ඉවත් කරල බාජනයක් ලිපේ තියලා තෙල් ටිකක් දාල තෙල් ටික රත් වුනාම ඒකට සිහින්ව කැපූ සුදු ලූණු රතු ලූණු,අමු මිරිස්,රම්පෙ,කරපිංචා එකතු කරන්න.
- ♦️ ඒකටම මිරිස් කුඩු මේස හැන්දකුත් එකතු කරල බැදෙන්න දෙන්න.
- ♦️ හොඳට බැදුනට පසු දැන් තුඹ කරවිල ටික එකතු කරල කහකුඩු,බැදපු තුනපහ කුඩු සහ ලුණු රස පදම අනුව එකතු කරන්න.
- ♦️ ඒකටම සියඹලා යුෂ ටිකත් එකතු කරන්න. සියඹලා වෙනුවට තක්කාලි ගෙඩියක් තීරු කපල එකතු කරන්නත් පුළුවන්.
- ♦️ තෙල් වලින් මදක් තැම්බුනාට පස්සෙ උකු මිටි කිරි එකතු කරන්න.මම දැම්මෙ මිටි කිරි අඬු කෝප්ප 1 ක් වගේ ප්‍රමාණයක්.
- ♦️ කිරි එකතු කරල හොඳට තැම්බිලා කිරි හිඳෙන්න දෙන්න.හැන්දේ ලාවට දැවටෙන ගාණට ආවම ලිපෙන් බාන්න.
🔴🔴 අපි පොඩ්ඩක් බලමුද මේ තුඹ කරවිල තියන ගුණ මොනවාද කියලා..
👉 තුඹ කරවිල කියන්නෙ ප්‍රාණජීව වැනි අගනා තෙල් හා අරිෂ්ට ආදියට යොදා ගන්න විශ්මිත ඖෂධීය ආහාරයක්.
👉 විෂ නාශක ඖෂධයක් වගේම එළවළුවක් මේවා ආහාරයට ගත්විට, තුන්දොස් සමනය වෙනවා
👉 තුඹ කරවිල යුෂ උදෑසන හිස්බඩ පානය කිරීමෙන්, අශ්මරී මර්දනය වෙනවා.
🔴🔴 හරිම ගුණදායක එළවළුවක්.ඉක්මනට උයා ගන්නත් පුළුවන්.ඔයාලගෙ දානයක් වගේ දෙයක් දවසට අනිවාර්යයෙන්ම මේක හදන්න. ස්වාමීන්වහන්සේල බොහොම කැමැත්තෙන් වළදාවි මේක.අත්දැකීමෙන් කියන්නෙ 😃😃
එහෙනම් ආයෙම දවසක කෑමක් හැදුවම ඔයාල හැමෝම එක්ක දැනුම බෙදා ගන්නම්. හැමෝටම උතුම් තෙරුවන් සරණයි ☸
✍️ ගයාන් විදාන පතිරණ
Lecturer in Management & English Language CA, IELTS Examiner, Ex-Banker, JP (All Island)
👇 ඒ වගේම මේ තියෙන්නෙ මගේ Page එක.මේක English Language Page එකක්. ඉංග්‍රීසි ඉගෙන ගන්න කැමති අය ඉන්නවානම් Like එකක් දාල Join වෙන්න කියල ආරාධනා කරනවා.
👇👇👇 අපගේ android app එක(Click Image) 👇👇👇
0 comments:
Post a Comment