Song Title : Tharu Kata Didulanawa (තරු කැට දිදුලනවා)
ගායනය : ප්‍රියා සූරියසේන සහ ලතා වල්පොල
පද : කේ.ඩී.කේ. ධර්මවර්ධන
තනුව : ප්‍රියා සූරියසේන
තරු කැට දිදුලනවා
මට මඟ පෙන්වනවා
රහසේ ආදර සඳළුතලාවට
පුරහඳ පායනවා
සෙනෙහස පිබිදෙනවා
ඇය මට අමතනවා
රෝමියෝ රෝමියෝ රෝමියෝ //
අප දෙදෙනාගේ පෙළපත් ඉහළයි
එළෙසම දෙපිළම නපුරුයි සතුරුයි
මහ මඟ දෙපිළේ අසිපත් පැටලෙයි
ඒ මැද අප සෙනෙහස තව ලියලයි
සෙනෙහස පිබිදෙනවා
ඇය මට අමතනවා
රෝමියෝ රෝමියෝ රෝමියෝ //
ගහ කොළ ඉහළට මඟ පෙන්වන්නේ
සඳළුතලාවේ අප ළංවන්නේ
සෙනෙහස ළඟ සිට නැත බියවන්නේ
දිවි නැසුනත් නැත අප වෙන්වන්නේ
සෙනෙහස පිබිදෙනවා
ඇය මට අමතනවා
රෝමියෝ රෝමියෝ රෝමියෝ //
තරු කැට දිදුලනවා
මට මඟ පෙන්වනවා
රහසේ ආදර සඳළුතලාවට
පුරහඳ පායනවා
සෙනෙහස පිබිදෙනවා
ඇය මට අමතනවා
රෝමියෝ රෝමියෝ රෝමියෝ //
👇👇👇 අපගේ android app එක(Click Image) 👇👇👇
0 comments:
Post a Comment