තන්දුරී චිකන් හදමු (Tandoori Chicken)

✅ අවශ්‍ය ද්‍රව්‍ය :

කුකුල් මස් කකුල් කොටස් හෝ කලවා කොටස් 5 (සම ඉවත් කල)
යෝගට් කෝප්ප 1
ඉගුරු මේස හැදි 1 (අඹරා ගත් )
සුදු ළූණු මේස හැදි 1 (අඹරා ගත් )
කොත්තමල්ලි කුඩු තේ හැදි 1
සූදුරු කුඩු තේ හැදි 1
කහ කුඩු තේ හැදි 1
ගරම් මසාලා මේස හැදි 1
Sweet paprika මේස හැදි 1( නැත්නම් මිරිස් කුඩු භාවිතා කරන්න )
ලෙමන් යුෂ මේස හැදි 2
තෙල් මේස හැදි 4,5
රතු වර්ණක බිංදු 3,4
රස අනුව ලුණු

✅ සාදා ගන්නා ආකාරය :

භාජනයක් ලිප තබා තෙල් එක් කර එයට කොත්තමල්ලි කුඩු ,සූදුරු කුඩු ,කහ කුඩු ,ගරම් මසාලා හා paprika එක් කර මද ගින්නේ තෙම්පරාදු කර ගන්න.
එය නිවෙන්න පසෙකින් තබන්න .
යෝගට් ටික බෝල් එකකට දමා එයට අඹරා ගත් ඉගුරු ,සුදු ළුණු ,ලෙමන් යුෂ ,රස අනුව ලුණු හා වර්ණක බිංදු ටිකද එක් කර හොඳින් මිශ්‍ර කර ගන්න .
දැන් තෙම්පරාදු මිශ්‍රණය හා යෝගට් මිශ්‍රණය එක් කර මිශ්‍ර කර සියල්ල සෝදා පිරිසිදු කර ගත් කුකුල් මස් වලට එක් කර හොදින් මිශ්‍ර කර පැය 7,8 වසා ශීතකරණයේ තබා ගන්න .
පැය ගණන සම්පුර්ණ වු විට බේකින් ට්‍රේ එකක මස් ටික අතුරා කලින් රත් කර ගත් උදුනක මස් දුඹුරු පැහැ වන තෙක් ග්‍රීල් කර ගන්න .
මස් ග්‍රීල් වන විට මස් වලින් එකතු වන වතුර වරින් වර ඉවත් කරන්න.
නිවුනු පසු කොත්තමල්ලි කොළ ,ළුණු පෙති හා දෙහි පෙති සමග පිළිගන්වන්න.