මම අද ☕ වෙලාවට කන්න ඉතාම ලෙහෙසියෙන් හදන්න පුලුවන් රසවත් කැමක් හැදුවා . රුලං දෝසි. හරිම රසයි. අමු ද්‍රව්‍ය තුනයි .ලෙහෙසියි හදන්න .
✅ අවශ්‍ය ද්‍රව්‍ය :
- රුලං 250g
- සීනි 250g
- පොල් කප් 1 (100g)
- වතුර කප් 1/4 (60ml)
- වැනිලා තේ හැඳි 1/2
- මාජරීන් තේ හැඳි 2
- බැදලා කුඩු කරගත් එනසාල් 6
✅ සාදා ගන්නා ආකාරය :
- පලමුව භාජනයක් ලිප තබා රුලං ටික හොදින් බැද ගන්න. නිවෙන්න පැත්තකින් තබන්න .
- පොල් ටික බැද ගන්න තෙත ගතිය නැති වෙනතුරු . එකත් නිවෙන්න පැත්තකින් තබන්න .
- දැන් රුලං දෝසි සාදා තුනී කරනා tray එකට මාජරීන් ගාන්න .
- භාජනයකට සීනි වලින් මේස හැදි 4 දමා කැරමල් එකක් සාදා ගන්න. පසුව උතුරන වතුර දමා මිශ්‍ර කර උණු කරන්න . උණු වේගෙන එනවිට ඉතිරි සීනි ටික දමා නුලක් වගේ වැටෙන ගානට උණු කරන්න .
- දැන් වැනිලා සහ එනසාල් කුඩු එකතු කර මිශ්‍ර කරන්න . කැමති නම් කලරින් පාටක් දා ගන්න . මම අද දැම්මේ නැහැ .
- පසුව පොල් ටික එකතු කර මිශ්‍ර කරන්න . ඒ එක්කම මාජරින් තේ හැදි 2 දමා කලවම් කරන්න .
- අවසානෙට බැදගත් රුලං ට්ක එකතු කර හොදින් කලවම් කරන්න .
- පසුව පදම එනතුරු හොදින් හැදි ගාන්න . මැදට මිශ්‍රණය ගුලියක් ලෙස එකතු වනවිට ලිපෙන් ඉවතට ගෙන නෙල් තවරා ගත් ට්‍රේ එකේ තුනී කරන්න. ටිකක් ඝන වුනාට පසු කැලි කපා ගන්න .
Dhammika Panangala (ධම්මිකා පනංගල)
👇👇👇 අපගේ android app එක(Click Image) 👇👇👇
0 comments:
Post a Comment