Song Title : Sathara Waram Devi Maha Raja (සතර වරම් දෙවි මහරජ)
ගායනය : ඩබ්ලිව්.ඩී. අමරදේව
සංගීතය : ඩබ්ලිව්.ඩී. අමරදේව
ගී පද : රත්න ශ්‍රී විජේසිංහ
සතර වරම් දෙවි මහරජ
සතර අතින් ඇවිදින්
පිරිත් පැන් ඉසිති පුතුනේ
පුවක් මල් කිනිත්තෙන් //
පළා පෙති බැඳන් ගෙල වට
හංස පියාපත් සලමින //
නුඹේ පා යටින්
සඳකඩ පහණ පායලා
බ්‍රහස්පතී තාරකාව
මුදුන් වී සරත් නුබ ගැබ
ස්වර්ණමාලි මහ සෑ අග
කොත් පලන්දලා //
සතර වරම් දෙවි මහරජ
සතර අතින් ඇවිදින්
පිරිත් පැන් ඉසිති පුතුනේ
පුවක් මල් කිනිත්තෙන්
කලා වැව් දියේ උත්පල
නෙලා ගෙනැ ඇඟිලි පොකුරට //
අප්සරාවියන් ලෙන් දොර
බලා හිඳිනවා
වළාහක දෙවිඳු
ඉසිවර ඇසින් බල බලා පුතු දෙස
ඉසුරුමුණි විහාරය ළඟ
අන්න හිඳිනවා //
සතර වරම් දෙවි මහරජ
සතර අතින් ඇවිදින්
පිරිත් පැන් ඉසිති පුතුනේ
පුවක් මල් කිනිත්තෙන් //
👇👇👇 අපගේ android app එක(Click Image) 👇👇👇
0 comments:
Post a Comment