මාළු පාන් හදමු (Malu Pan Hadamu [Fish Ban])

මම අද ☕ වෙලාවට කන්න මාළු පාන් හැදුවා . උණු උණුවේ එන්න කන්න . හරිම රසයි වගේම හරිම මෙලෙකයි . මම හැදුවේ මෙහෙමයි .

✅ අවශ්‍ය ද්‍රව්‍ය :

පාන් පිටි කප් 2 240g
මාජරීන් මේස හැදි 1
බිත්තර 1
කිරිපිටි මේස හැදි 1
ලුනු තේ හැඳි 1
යන්තම් සීතල අයිස් වතුර
ඊස්ට් තේ හැඳි 1
සීනි තේ හැඳි 1
මද උණුසුම් වතුර කප් 1 /4

✅ සාදා ගන්නා ආකාරය :

පලමුව කප් එකකට මද රස්නෙ වතුර ටික දමා සීනි තේ හැඳි 1 එකතු කර මිශ්‍ර කරන්න . දැන් ඊස්ට් තේ හැඳි 1 දමා කලවම් කරන්න . පියනකින් වසා විනාඩි 10 පැත්තකින් තබන්න පිපෙන්න .
බිත්තර 1 කප් එකකට දමා ගැරුප්පුවකින් තට්ටු කර පැත්තකින් තබන්න .
භාජනයකට පිටි දමා පිපුණු ඊස්ට් මිශ්‍රණය එකතු කරන්න . ඊලගට මාජරීන් මේස හැදි 1 , කිරිපිටි මේස හැදි 1, ලුණු තේ හැඳි 1 සහ ගසාගත් බිත්තර 1 භාගයක් දමා අතින් මිශ්‍ර කරන්න .
පසුව අයිස් වතුර ටික ටික දමා ටිකත් ඝන ඩෝ එකත් සාදා ගන්න . දැන් මෙම ඩෝ එක විනාඩි 7ක් පමණ නීඩ් කරන්න . වැඩියේ අත තද කරන්න එපා.
දැන් මෙම ඩෝ එක දික් අතට රෝල් කර සමාන කොටස් 6කට වෙන් කරන්න .
පසුව එක එක කොටසකින් බෝල සාදා ට්‍රේ එකක තබා ලන්ච් ශීට් එකකින් වසන්ත . ඊට උඩින් ස්වියට් එකක් එලන්න. මෙලෙස විනාඩි 30 තබන්න .
එම වේලාව අතරතුර තමන්ට කැමැති පිරවුමක් සාදා ගන්න . .
විනාඩි 30 ට පසු පිටි තැවරු ලැල්ලක් මත එක එක බෝල ගෙන තුනී කර පිරවුම මැද තබා මාළු පාන් හැඩයට නමා මාජරීන් තැවරු ට්‍රේ එහෙක තබන්න .
දැන් මෙම ට්‍රේ එක නැවතත් වසා විනාඩි 30 තබන්න .
විනාඩි 30 ට පසු ඉතිරි කරගත් බිත්තර සාරය මාළු පාන් වල උඩින් ගා උශ්නත්වය 200ට විනාඩි 10ක් පෙර උණුසුම් (pre heat) වු අවන්(oven) එකේ විනාඩි 25 ක්පමණ බේක් කරන්න .
පසුව බේක් වු මාළු පාන් එලියට ගෙන උඩින් මාජරීන් තවරන්න .

Dhammika Panangala