ගෙදර ඉඳිආප්ප ඉතුරු උනාද..හදලා බලන්නකෝ මේ විදියට ඉඳිආප්ප වැලිතලප ටිකක්..අම්මෝ ඉතින් පැණි බේරෙනවා ..😋😋 රෙසිපි ඕනිනම් කියන්න..
✅ අවශ්‍ය ද්‍රව්‍ය :
- ඉඳිආප්ප 8ක්
- සීනි මේස හැඳි 2ක්
- වතුර කප් කාලක්
- සීනි කප් භාගයක්
- ගාගත් පොල් කෝප්ප භාගයක්
- තලාගත් එනසාල් ඇට 2ක්
- කරාඹු ඇට 2ක්
- චූටි ඉගුරු කෑල්ලක්
✅ සාදා ගන්නා ආකාරය :
- ඉඳිආප්ප 8ක් ඉතුරු වෙලා ෆ්‍රිජ් එකේ තිබුනා ..ඒක එළියට අරන් අතින් කුඩු කරා..
- ඒක පැත්තකින් තියලා භාජනයක් ලිපේ තියලා ඒකට සීනි මේස හැඳි 2ක් දාලා තද පාටට කැරමල් එක හදාගත්තා,
- ඒකට වතුර කප් කාලක්,සීනි කප් භාගයක් දාලා පැණි පත් වෙනකන් ලිපේ තිබ්බා.ඒකට ගාගත් පොල් කෝප්ප භාගයක් ,තලාගත් එනසාල් ඇට 2ක්,කරාඹු ඇට 2ක්,චූටි ඉගුරු කෑල්ලක් තලලා එකතු කරලා පැණිපොල් හදාගත්තා..
- පැණිපොල් මිශ්‍රණය ටිකක් ඝන වෙනකොට කුඩුකරගත් ඉඳිආප්ප ටික එකතු කරලා හොඳින් කලවම් කරා..
- මිශ්‍රණය එක ගුලියක් වගේ හැදෙනකොට කලින් ලන්ච් ෂීට් එකක් හරි කෙසෙල් කොලයක් එළලා ලෑස්ති කරගත් තැටියක තුනී කරලා ටිකක් නිවෙනකොට කෑලි කපා ගන්න.
✅ වැදගත් :
මම මැන්නේ තේ බොන පීරිසි කෝප්පෙකින්.(Harshani Tharangaa Kumarathunga)
👇👇👇 අපගේ android app එක(Click Image) 👇👇👇
0 comments:
Post a Comment