අද මම හැදුවා ඉතාම ලෙහෙසියෙන් හදන්න පුලුවන් තවත් රස ගුණ පුඩිම් එකක් . රුලං පුඩිම් . හරිම ලෙහෙසියි හදන්න .
✅ අවශ්‍ය දේවල් :
- රුලං 200g
- සීනි 100g
- Fresh milk 500ml (පිටිකිරි ගන්නත් පුලුවන් - පිටිකිරි මේස හැදි 6 වතුර 500ml දිය කරන්න . ෆ්‍රෙශ් මිල්ක් නම් ගොඩාක් හොඳයි)
- මාජරීන් හෝ බටර් 50g
- මිදී 50g
- කජු ටිකක් කපලා ( මම නම් ගත්තේ රටකජු )
- වැනිලා තේ හැඳි 1
- කරදමුoගු කුඩු තේ හැඳි 1/2
✅ සාදා ගන්නා ආකාරය :
- මුලින්ම පුඩිම් එක සාදා දැමීමට අදහස් කරන භාජනයට මාජරීන් ගා පැත්තකින් තබන්න .
- දැන් භාජනයකට බටර් දමා කජු සහ මිදි බැඳ ගන්න .
- ටිකක් බැදෙන විට රුලං ටික එකතු කර බදින්න . විනාඩි 5 පමණ .
- ඊට පසු කිරි එකතු කරන්න . හොදට මිශ්‍ර කරන්න .සිනි ටික එකතු කරන්න .
- අවසානෙට කරදමුoගු කුඩු සහ වැනිලා එකතු කරන්න . හොදින් කලවම් කරන්න .
- තද ගතිය වෙනකොට මැදට එකතු වනවිට ලිපෙන් ඉවතට ගෙන මාජරීන් ගාගත් භාජනයකට දාගන්න .
- මතුපිට හොදින් තද කරන්න. පසුව වටේ බුරුල් කර පිගානක් තබා අනිත් පැත්ත හරවන්න.
- මම නම් උඩින් තව මිදි සහ කපාගත් කජු ටිකක් භාජනයකට මාජරීන් ටිකක් දාලා බැඳ ගෙන සරසා ගත්තා .
Dhammika Panangala
👇👇👇 අපගේ android app එක(Click Image) 👇👇👇
0 comments:
Post a Comment