අපට අගේ නැති අපේ ශාකය - මොනර කුඩුම්බිය (Monara Kudumbiya) [Vernonia Cinerea]

🌿 මොනර කුඩුම්බිය -(Vernonia Cinerea)‍

🌿 කුළය:- Asteraceae කුලයට අයත් වේ.

🌿 මොනරෙකුගේ හිසමුදුනේ පිහිටි ශිඛාව මෙන් දිස්වන බැවින් මෙය මොණරකුඩුම්බිය ලෙස හදුන්වන බවයි පැවසෙන්නේ .

✅ පලාත් අනුව මෙය හදුන්වන නම්

👉 මගුල්කුඹුරැවැන්න

👉 වතුපලා

👉 කොබෙයිකොළ

👉 දුටුසපුටු

👉 මොණර කුඩුම්බිය

✅ ශාකය ගැන

🌿සෙ.මි 30 පමණ උසට වැවෙන මෙය ලංකාවේ සෑම ප්‍රදේශයකම බහුලව ඇති, නමුත් දුකට හෙතුවන කරුණ නම් වල්පැලෑටියක් කියා සිතා මෙය නොසලකා හැරිමයි නමුත් දේශිය අතින් ඉතා ගුණ දෙන සම්පතක් වේ

✅ සුව ගෙනෙන රෝග

🌿 උණට, පාණ්ඩුවට, වණ, මුත්‍රා හෝ පිත්තාශ ගල්, සෙංගමාලය ඇතුළු අක්මා රෝග, පණූ රෝග ආදියට ප්‍රතිකාර කිරීම සදහා ශාකයේ සියලුම කොටස් ප්‍රයෝජනයට ගැනේ.

🌿 ඉදිමුම් සහ වේදනාවන් නසන, ශරීර ඇතුලත ගල් දියකරන, රැධිරය පිරිසිදු කරනා ඉතාමත් වටිනා ශාකයක් බව ආයුර්වේදයේ සදහන් වේ .

🌿 අපේ පැරන්නන් බොහෝවිට මෙය යෙදාගත්තේ එහි ඇති රැධිරය පිරිසිදු කිරීමේ මහගු බලය නිසාම මෙය කැද සදා පානය කරන ලදි .

🌿 එමෙන්ම මෙය ඉතාමත් රසවත් කැද වර්ගයක් වේ

මොනර කුඩුම්බිය කැද සාදා ගන්නා ආකාරය

✅ අවශ්‍ය ද්‍රව්‍ය :

ගලවා ගත් සම්පූර්ණ පැළෑටික්

පොල් ස්වල්පයක්

සුදු ලූනු, රතුලුනු, ලුනු ස්වල්පයක්

කැකුළු හාල්

හකුරු කෑල්ලක්

✅ සාදා ගන්නා ආකාරය : (නො‍දන්නා අලුත් පරම්පරාවේ අපේ අයට)

🌿මොනරකුඩුම්බිය ගසේ සියලු කොටස් සමග ගලවාගෙන එය හොඳින් සෝදා පිරිසිදු කර ගෙන බ්ලෙන්ඩරයට දමා පොල් ටිකක්, වතුර දමා බ්ලෙන්ඩර් කර යුෂ සාදා ගන්න.

🌿කැකුළු හාල් ටික හා හිනියට කැපු සුදු ලුනු, රතුලුනු ගෙඩි දෙක තුනද දමා ලිප තබා බත හොදට බෙරිවෙන්න උයා ගන්න බත ඉදුන පසු හැන්දක් ගෙන මුට්ටියෙම තිබියදි බත මතගා ගන්න ( ඒ කියන්නේ හොදට පොඩිකර ගන්න) පසුව එයට බ්ලෙන්ඩර් කරගත් මොනරකුඩුම්බිය යුෂ දමා රත් වූ පසු පානය කළ හැකිය.

🌿ක්ලෝස්ටරෝල් වැනි රෝගීන්ට පොල් නොදමා සාදා ගන්න. වැඩි රසයක් ලබාගැනීමට හකුරු ස්වල්පයක් සමග පානය කරන්න.

✅ මෙහි අඩංගු පෝෂණ ගුණ

▶️.කාබෝහයිඩ්රේලට්

▶️.කැල්සියම්

▶️.පොස්පරස්

▶️.යකඩ ආදී ඛනිජ ලවණ

▶️.විටමින් A, B. C, D සහ E

✅ මොණරකුඩුම්බිය ශාකයේ ඖෂධීය ගුණ

පෝෂණයෙන් අධික නිසාම රක්තහීනතාවය නැති කරයි.
මාන්දමින් පෙළෙන දරුවන්ට විශේෂයෙන් දෙනු ලබන කැඳකි.
මතක ශක්තිය වැඩිදියුණු කරයි.
ස්නායු දුර්වලතා වලක්වයි.
වාත රෝගීන්ට සහ අංශ භාග රෝගීන්ට ද ඉතා හොඳයි.
ස්නායු ශක්තිය වැඩි දියුණු කරන නිසාම අක්ෂි රෝග වළක්වයි.
රුධිරය පිරිසිදු කරන නිසාම චර්ම රෝග මැඩ පවත්වයි.
රක්තය පිරිසිදු කර සම පැහැපත් කරයි. එනිසා කුරුලෑ නැති කරයි. දද කුෂ්ඨ තුවාල නැති කරයි.
ගර්භනී මවුවරුන්ට රක්ත හීනතාවයට මුත්‍රා දාහයට ඉතා හොඳයි.
ඇඟ සිසිල් කරයි. ඇඟ උණුකරවා යෑම වළක්වයි. ඔසප් චක්‍රය අක්‍රමවත් අයට එය ක්‍රමවත් කරයි.
කකුල් පැලෙන තොල් පැලෙන රත්පිත් සහිත අයට එම දොස් නැති කරයි.

🌿 වසවිස නොමැති කමත්, ස්වාභාවික පරිසරයේ නිදහසේ වැවෙන නිසාත් අපේ බොහෝ දේශිය ශාකවලින් සාදා ගන්නා කොළ කැඳ අගුණ වන අවස්ථා බොහො සෙයින් අඩුය.

🌿 එමෙන්ම මොනර කුඩුම්බිය ගස මේරීමට පෙර පුංච් පැල කාලයේ පොල් පලා ශාකයේ පත්‍ර වලට හා ගස ට බොහො සේ සමාන වේ.

🌿 ශාකයේ කොල මැලුමක් ලෙස මලවා ගත් කල ඉතා රස ගුණ දෙන පලාවකි .කලවම් මැල්ලුම් සදහද යොදා ගත හැක.

විශ්මිත හෙළ ඔසු

👇👇👇 අපගේ android app එක(Click Image) 👇👇👇

View my Flipboard Magazine.

උපුටා ගැනීමකි...

About Wanni Arachchige Udara Madusanka Perera

Hey, I'm Perera! I will try to give you technology reviews(mobile,gadgets,smart watch & other technology things), Automobiles, News and entertainment for built up your knowledge.