✅ අවශ්‍ය ද්‍රව්‍ය:
- 🍉 බැද ගත් හාල් පිටි කෝප්ප 3ක් පමණ( ලෑල්ලට දාන්න සහ අලුවා උඩින් දාගන්න හාල් පිටි මේස හැඳි 3ක් වැඩිපුර තියාගන්න)
- 🍉 සීනි කෝප්ප 1 1/2 ක්
- 🍉 වතුර කෝප්ප 3/4 ක්
- 🍉 කජු හෝ රටකජු ටිකක්
- 🍉 කරදමුංගු කුඩු ටිකක්
✅ සාදන ක්‍රමය :
- 🔥 හාල් පිටි ටික බාජනයකට දමා අඩු ගින්දරේ සුවද එනතුරු බැදගන්න ( කර කරගන්න එපා)
- 🔥 එය වෙනත් බාජනයකට මාරු කරන්න
- 🔥 එයින් පිටි ටිකක් ලෑල්ලකට ඉහලා පැත්තකින් තියාගන්න
- 🔥 කජු හෝ රටකජු ටික කුඩාවට කපා ගන්න
- 🔥 කරදමුංගු ටිකත් කුඩු කරගන්න
- 🔥 ඝනකම් බාජනයක් ලිප තබා (මම ගත්තේ චීනච්චට්ටි තාච්චියක් ) එයට සීනි ටික දමා වතුර ද එක් කරන්න( වතුර වැඩි කරගන්න එපා) මේ ප්‍රමාණය ම ගන්න
- 🔥 මද ගින්දරේ සීනි ටික දිය වනතුරු හොඳින් හැඳි ගාන්න
- 🔥 විනාඩි 10 ක් පමණ හැඳි ගානවිට බුබුලු දානවා ඒ අවස්ථාවේ දී රටකජු හා කරදමුංගු ටික එක් කරන්න . ඊටත් ටිකකට පස්සේ හැන්දෙන් පැණි ටිකක් අරගෙන බලන්න . එතකොට ඇගිලි දෙක අතර සෙන්ටිමීටරයක් දුරට නූල් ඇදෙනවනම් ලිපෙන් ඉවත් කරගන්න
- 🔥 ඉන් පසු පිටි ටික ටික දමමින් කළවම් කරන්න
- 🔥 හැඳි ගාන්න .පාප්පයක් මෙන් එකට එකතු වන අවස්ථාවේ දී පිටි දැමීම නතර කරන්න
- 🔥 පිටි ඉස ගත් ලෑල්ලට දමා ඉක්මනින් තුනී කරන්න ( සීනි නිසා ඉක්මනින් හයි වෙන්න බලනවා)
- 🔥 ඉන් පසු කෑලි කපාගන්න.
චන්දිමා රණසිංහ
0 comments:
Post a Comment