මුලින් කියන්න ඕනා මේ සදහා හතරැස් කේක් ට්‍රේ එකක් අවශ්‍යයි.එ කේක් ට්‍රේ එකේ ප්‍රමාණය අනුව තමා තිරණය කරන්න ඕනා කොච්චර පාන් පිටි ප්‍රමාණයක් ගන්න ඕනා ද කියලා.මම එ නිසා පාන් පිටි 500g රෙසෙපි එකට හදන විදිය දාන්නම්.
අවශ්‍ය ද්‍රව්‍ය:
- පාන් පිටි 500g
- මාජරින් මේසහැදි 3
- යිස්ට් තේහැදි 1 1/2
- සිනි මේසහැදි 1
- රස අනුව ලුණු
- මද රස්නේ වතුර අවශ්‍ය පමණ
සාදන ආකාරය:
- මුලින් වතුර නැතිව අනිත් සියල්ල එකට දමා ගෙන හොදින් මිශ්‍ර කරන්න.පසු වතුර ටික ටික දමා හොඳ සොප්ට් පිටි මිශ්‍රනයක් හදා ගන්න.මේ පිටි මිශ්‍රනය වතුර ගතියටත්/ගොඩක් තදටත් හදා ගන්න එපා.
- පසු විනාඩි 5-10 හොදින් අනා ගන්න.අනන කොට අතට දැනෙවි පිටි මිශ්‍රනය සොප්ට් එකට එනවා.
- පසු විනාඩි 45 හෝ පැයක් තෙත රෙද්දකින් වසා තියන්න.
- පැයකට පසු පෙනෙවි පාන් පිටි මිශ්‍රනය හොදින් පිපි උඩට ඇව්ත් තියෙනවා.පසු එක නැවත පොඩි වේලාවක් අනා ගෙන එක සමාන පිටි බෝල හදා ගන්න.
- දැන් හදා ගත් පිටි බෝලයක් පිටි ඉස ගත් ලැල්ලක තියා රෝල් කර ටිකක් පැතලි කරන්න.එක ඔයාලා ගාව තියෙන කේක් ට්‍රේ එකේ දිග ප්‍රමාණයට හදා ගන්න.
- පසු එම පාන් එක ට්‍රේ එකේ කොනකින් තියා අතින් ටිකක් ෂේප් කරන්න.පසු පාන් එකේ සයිඩ් එකේ ඔලිව් ඔයිල් හෝ එලවලු තෙල් ටිකක් බ්‍රෂ් එකකින් ගා ගන්න.
- මේ විදියට කේක් ට්‍රේ එක පිරෙන්නකම් එ විදියට පොඩි පාන් හදා ගන්න.
- පසු මේ පාන් ටිකත් නැවත පැයක් තෙත රෙද්දකින් වසා පිපෙන්න තියන්න.
- පැයකට පස්සෙ පෙනෙවි ට්‍රේ එකෙන් උඩට පාන් ටික පිපිලා තියෙනවා.
- දැන් අවන් කරන්න 200C විනාඩි 25 - 30
- පසු බේක් වු පාන් ටික නිවෙන්න තියන්න.
- පාන් ටික නිවුනාට පස්සෙ හිමින් හිමින් බටර් නයිප් එකක් අරගෙන පාන් ටික වෙන් කර ගන්න.
- දැන් වෙන් කර ගත් පාන් වලට කැමති ඔයිල් වර්ගයක් අරගෙන හොදින් බ්‍රෂ් කර ගන්න.
- පසු එ පාන් ටික පැතලි විදියට ට්‍රේ එකේ තියා විනාඩි 5-6 බේක් කරන්න.
- එතකොට පාන් ටික ක්‍රිස්පි ගතියට එනවා.අනිත් එක පාන් වලට ගී ඔයිල් කර බ්‍රෂ් කලා නම් රසයෙනුත් වැඩි.හොඳ සුවදකුත් එනවා.
 |
| පිලියෙල කර ගත් පිටි මිශ්‍රනය |
 |
| හොදින් අනා ගත් පිටි ටික පැයකට පස්සෙ පිපිලා තියෙන විදිය |
 |
| හදා ගත්ත එක සමාන පිටි බෝල ටික |
 |
| පිටි බෝලයක් පිටි ඉස ගත්ත ලැල්ලක රෝල් කර පැතලි කර ගත් විදිය |
 |
| හදා ගත් පාන් ට්‍රේ එක පිරෙන්නකම් දමා ගත් අයුරු |
 |
| පැයකට පස්සෙ පාන් ට්‍රේ එකේන් උඩට පිපිලා තියෙන අයුරු |
 |
| බේක් කර ගත් පාන් ටික |
 |
| හිමින් වෙන් කර ගත් පාන් ටික |
 |
| ඔයිල් ගා ගෙන නැවත අවන් කරන්න තියා ගත්ත පාන් |
 |
| නිම කර ගත් පාන් |
Related Posts :
0 comments:
Post a Comment